உரையாடல்
தலைகீழாக உறங்குகிறோம்
பித்த வெடிப்புற்ற பாதங்களை
அழுக்கேறிய நகங்களை
தடவிக் கொண்டே இருக்கும் கைகளை
கால்களுக்கு அறிமுகம் செய்கிறோம்
முத்தங்கள் ஒளிந்து கொண்ட செய்தி
பரவுகிறது விரல்களுக்கிடையே
பிடித்து விடுவதன் வாயிலாக
தப்பிக்க நினைக்கும் முகங்கள்
வலியைத் தொடும் கணத்தில் விசும்புகின்றன
மிக நீண்ட உரையாடலுக்கு
தயாராகும் உடல்களை
நீரூற்றி அமிழ்த்துகிறது இரவு.
நன்றி : வாசகசாலை
Comments
Post a Comment